នៅព្រឹកថ្ងៃពុធ ១៥កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែកុម្ភៈ ឆ្នាំ២០២៥នេះ សាកលវិទ្យាល័យជាតិបាត់ដំបង បានរៀបចំពិធីចុះហត្ថលេខាលើអនុស្សរណៈនៃការយោគយល់ជាមួយអង្គការគ្រិតភីសកម្ពុជា(Great Peace Cambodia) ក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការ និងថ្នាក់ដឹកនាំនៃសាកលវិទ្យាល័យជាតិបាត់ដំបង និងលោក លី ជុងហូ នាយកប្រចាំប្រទេស និងសហការីនៃអង្គការគ្រិតភីសកម្ពុជា។ ការចុះអនុស្សរណៈនេះ មានគោលបំណងសំខាន់រួមមាន៖ ពិនិត្យមើលលទ្ធភាពក្នុងភាពជាដៃគូសម្រាប់ការគាំទ្រនិស្សិតដែលខ្វះខាត ផ្តល់ឱកាសហាត់ការសម្រាប់និស្សិត ចូលរួមកម្មវិធី សិក្ខាសាលា វាគ្មិនបាឋកថាផ្សេងៗ ដែលជាធាតុចូលយ៉ាងសំខាន់សម្រាប់ការអភិវិឌ្ឍន៍កម្មវិធីសិក្សានានាតបតាមការព្រមព្រាងគ្នាទៅវិញទៅមក។
