កម្មវិធីសិក្ខាសាលាតាមអនឡាញស្ដីពី៖ “ការផ្សព្វផ្សាយលទ្ធផលបឋមនៃការធ្វើវិនិច្ឆ័យសហគ្រាសចំនួន១០០ និងការរៀបចំសិក្ខាសាលាបណ្ដុះបណ្ដាលការគ្រប់គ្រង និងបច្ចេកវិទ្យា សម្រាប់សហគ្រាសខ្នាតតូច និងមធ្យមនៅភូមិភាគពាយ័ព្យនៃប្រទេសកម្ពុជា”។
នៅរសៀលថ្ងៃចន្ទ ១៤រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែមករា ឆ្នាំ២០២៥ សាកលវិទ្យាល័យជាតិបាត់ដំបង បានរៀបចំកម្មវិធីសិក្ខាសាលាអនឡាញ ដោយមានការចូលរួមពីតំណាងមន្ទីរកសិកម្ម រុក្ខាប្រមាញ់ និងនេសាទ តំណាងមន្ទីរឧស្សាហកម្ម វិទ្យាសាស្រ្ត និងនវានុវត្តន៍ តំណាងសហគមន៍កសិកម្ម និងតំណាងសហគ្រាស ក្នុងខេត្តបាត់ដំបងព្រមទាំងលោកគ្រូអ្នកគ្រូ និងបុគ្គលិកអនុវត្តគម្រោង NUBB-RIS ក្រោមអធិបតីភាព លោក ទេព នាវា សាកលវិទ្យាធិការរងនៃសាកលវិទ្យាល័យជាតិបាត់ដំបង។កម្មវិធីនេះធ្វើឡើងក្នុងគោលបំណងបង្ហាញលទ្ធផលជាបឋមនៃការធ្វើរោគវិន្និច្ឆ័យសហគ្រាសតូច និងមធ្យម នៅខេត្តបាត់ដំបង និងក្នុងគោលបំណងប្រមូលធាតុចូលពីមន្ទីរពាក់ព័ន្ធ សហគមន៍កសិកម្ម និងសហគ្រាស ដើម្បីទទួលបានវិធីសាស្ត្រថ្មី ក្នុងការរៀបចំកម្មវិធីបណ្តុះបណ្តាលការគ្រប់គ្រង និងបច្ចេកវិទ្យាដោយប្រើប្រាស់វិធីសាស្ត្រ “Action learning task (ALT)”។
