សាកលវិទ្យាល័យជាតិបាត់ដំបង បានរៀបចំដំណើរកំសាន្តសម្រាប់មន្រ្តី និងបុគ្គលិកទៅកាន់ខេត្តព្រះសីហនុ ចំនួន៣ថ្ងៃ គឺចាប់ពីថ្ងៃទី៤ ដល់ទី ៦ ខែមករា ឆ្នាំ២០២៥ ដែលមានមន្រ្តី និងបុគ្គលិកសាកលវិទ្យាល័យចំនួន១៩៧នាក់។ ដំណើរកំសាន្តនេះ ដឹកនាំផ្ទាល់ដោយ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង ក្នុងគោលបំណងបង្កើនភាពស្និទ្ធស្នាល និងបង្កើតអនុស្សាវរីយ៍ បន្ទាប់ពីហត់នឿយរយៈពេលមួយឆ្នាំពេញនៃការខិតខំបំពេញការងារនាឆ្នាំកន្លងទៅ និងដើម្បីអបអរសាទរទិវាជ័យជម្នះ៧មករា។


