ខេត្តបាត់ដំបង៖ កាលពីថ្ងៃទី០២ ខែវិច្ឆិកា ឆ្នាំ២០២៤ ឯកឧត្តមបណ្ឌិតសាន វឌ្ឍនា រដ្ឋលេខាធិការក្រសួងអប់រំ យុវជន និងកីឡាបានអញ្ជើញចុះពិនិត្យដំណើរការផ្តល់ព័ត៌មាន និងចុះឈ្មោះចូលរៀនរបស់និស្សិតឆ្នាំទី១ នៃសាកលវិទ្យាល័យជាតិបាត់ដំបង។ ឯកឧត្តមបានវាយតម្លៃខ្ពស់ និងកោតសរសើរដល់ការរៀបចំយន្តការពិគ្រោះយោបល់ និងជំនួបរវាងសិស្សានុសិស្សដែលទើបបញ្ចប់ការសិក្សាកម្រិតទុតិយភូមិ ជាមួយ “និស្សិតច្បង” និងសាស្រ្តាចារ្យដែលមានជំនាញផ្សេងៗគ្នា មុនពេលសម្រេចចិត្តចុះឈ្មោះចូលរៀននៅកម្រិតឧត្តមសិក្សា។
