កាលពីព្រឹកថ្ងៃអាទិត្យ ៣ កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៩ ខែមិថុនា ឆ្នាំ២០២៤ ការិយាល័យកិច្ចការនិស្សិតបានរៀបចំសិក្ខាសាលាស្តីពី៖ “តម្រង់ទិសអាជីពការងារត្រូវនឹងជំនាញ” សម្រាប់និស្សិតឆ្នាំទី៣ និងឆ្នាំទី៤ នៅសាកលវិទ្យាល័យជាតិបាត់ដំបង ក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង។ គោលបំណងនៃសិក្ខាសាលានេះគឺដើម្បីតម្រង់ទិសពីអាជីពការងារឲ្យត្រូវនឹងជំនាញ និងពង្រឹងការយល់ដឹងបន្ថែមដល់និស្សិតលើជំនាញចាំបាច់ផ្សេងៗ សម្រាប់អាជីពការងារដែលស្របទៅនឹងតម្រូវការឱកាសទីផ្សារការងារបច្ចុប្បន្ន។
