នៅព្រឹកថ្ងៃសៅរ៍ ១១កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៨ ខែឧសភា ឆ្នាំ២០២៤ មជ្ឈមណ្ឌលស្រាវជ្រាវ និងអភិវឌ្ឍន៍ នៃសាកលវិទ្យាល័យជាតិបាត់ដំបង បានរៀបចំ វគ្គបណ្តុះបណ្តាលស្តីពី « នីតិវិធី នៃការប្រមូល និងវិភាគទិន្នន័យ សម្រាប់និស្សិតថ្នាក់បរិញ្ញាបត្រ ជំនាន់ទី១៧ ឆ្នាំសិក្សា២០២៣-២០២៤ »។ កម្មវិធីនេះត្រូវបានប្រារព្ធទៅក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការ នៃសាកលវិទ្យាល័យជាតិបាត់ដំបង។ វគ្គបណ្តុះបណ្តាលនេះមានអ្នកចូលរួមសរុបចំនួន ១៥០ អង្គ នាក់។
