នៅថ្ងៃអង្គារ ២រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤នេះ សាកលវិទ្យាល័យជាតិបាត់ដំបងបានរៀបចំវគ្គបណ្តុះបណ្តាស្តីពី”របៀបបង្ការ និងពន្លត់អគ្គិភ័យ”ក្រោមអធិបតីភាពលោក ទេព នាវា សាកលវិទ្យាធិការរងតំណាងដ៏ខ្ពង់ខ្ពស់របស់ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង ដោយមានកិច្ចសហការពីការិយាល័យបង្ការ ពន្លត់អគ្គិភ័យ និងសង្រ្គោះ នៃស្នងការនគរបាលខេត្តបាត់ដំបង។ វគ្គបណ្តុះបណ្ដាលនេះមានការចូលរួមពីថ្នាក់ដឹកនាំ មន្រ្តី បុគ្គលិកកិច្ចសន្យា បុគ្គលិកសន្តិសុខ និងបុគ្គលិកអនាម័យ នៃសាកលវិទ្យាល័យជាតិបាត់ដំបងសរុបចំនួន ៦៣នាក់ ក្នុងគោលបំណងបញ្ជ្រាបការយល់ដឹងអំពីរបៀបបង្ការ ពន្លត់ និងសង្គ្រោះពេលមានអគ្គិភ័យ។
