កាលពីព្រឹកថ្ងៃអង្គារ ២រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤នេះ មជ្ឈមណ្ឌលការងារនៃសាកលវិទ្យាល័យជាតិបាត់ដំបងបានរៀបចំវគ្គបណ្តុះបណ្តាលខ្លីពីរបៀបនៃការសរសេរប្រវត្តិរូបសង្ខេប (CV Writing) ក្រោមអធិបតីភាពរបស់ លោក ទៀង ម៉ូរិន សាកលវិទ្យាធិការរងតំណាងដ៏ខ្ពង់ខ្ពស់របស់ឯកឧត្តម សុខ ឃន សាកលវិទ្យាធិការ នៃសាកលវិទ្យាល័យជាតិបាត់ដំបង។ កម្មវិធីនេះត្រូវបានសហការរៀបចំឡើងដោយមានការគាំទ្រពីគម្រោង Digital Workforce Development ដោយមានការចូលរួមពីវាគ្មិនកិត្តិយស លោក ហ៊ាប សុខហួច អ្នកឯកទេសអភិវឌ្ឍន៍ការងារ និង លោក ង៉ោល គាន អ្នកគ្រប់គ្រងផ្នែកជ្រើសរើសបុគ្គលិកនៃធនាគារ វឌ្ឍនៈ។
