នៅថ្ងៃសុក្រ ១២រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៥ ខែមេសា ឆ្នាំ២០២៤នេះ សាកលវិទ្យាល័យជាតិបាត់ដំបង បានរៀបចំពិធីសូត្រមន្ត ប្រោះព្រំ សិរីសួស្តី និងរាប់បាត្រ ក្ក្នុងឱកាសឆ្នាំថ្មី ក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង និងវត្តមានថ្នាក់ដឹកនាំ លោកគ្រូ អ្នកគ្រូ បុគ្គលិកអប់រំនៃសាកលវិទ្យាល័យជាតិបាត់ដំបងផងដែរ។ នៅក្នុងនោះសាកលវិទ្យាល័យក៏មានល្បែងប្រជាប្រិយខ្មែរនៅពេលរសៀល និងកម្មវិធីរាំលេងសប្បាយចង្វាក់រាំខ្មែរ ព្រមទាំងមានការតាំងពិព័ណ៌ និងលក់ចំណីអាហារនៅក្នុងកម្មវិធីនេះផងដែរ។
