———————————-
នាថ្ងៃចន្ទ ១រោច ដល់ថ្ងៃសុក្រ ៥រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៣០ ខែតុលា ដល់ថ្ងៃទី៣ ខែវិច្ឆិកា ឆ្នាំ២០២៣នេះ មហាវិទ្យាល័យកិកម្ម និងកែច្នអាហារ នៃសាកលវិទ្យាល័យជាតិបាត់ដំបង បានរៀបចំសិក្ខាសាលា ដែលជាផ្នែកមួយនៃគម្រោង AgriSAT (https://www.agrisat.net/) ដែលមានគោលបំណងជម្រុញ និងលើកកម្ពស់កម្មវិធីអប់រំដោយបញ្ចូលប្រព័ន្ធឌីជីថល តាមរយ:ការប្រើប្រាស់បច្ចេកវិទ្យាក្នុងការជម្រុញ និងបង្កើនផលិតផលកសិកម្មតាមរយ:ការប្រើប្រាស់ដ្រូនកសិកម្ម និងសម្ភារៈបច្ចេកវិទ្យាផ្សេងៗទៀតក្នុងការជម្រុញការធ្វើកសិកម្មឲ្យកាន់តែមានប្រសិទ្ធភាពខ្ពស់ និងកាត់បន្ថយការចំណាយក្នុងផលិតកម្ម។ សិក្ខាសាលានេះត្រូវបានបេីកក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការនៃសាកលវិទ្យល័យជាតិបាត់ដំបង។
អ្នកចូលរួមក្នុងសិក្ខាសាលានេះរួមមានការចូលរួមពីបណ្ដាស្ថាប័នពាក់ព័ន្ធរួមមាន តំណាងសកលវិទ្យាល័យនៅសហភាពអឺរ៉ុប មកពីប្រទេសប៊ែលសុីក អាឡឺម៉ង់ អេស្ប៉ាញ ប៉ូឡូញ និងក្រូអាត និងអាស៊ីអាគ្នេយ៍ (NUBB, RUA, UHST, SU, NUOL) ព្រមទាំងតំណាងមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង តំណាងគម្រោង Syngenta Foundation for sustainable Agriculture តំណាងក្រុមហ៊ុន GREENMAN AGRO MOBILIZER Co., Ltd., តំណាងក្រុមហ៊ុននាគមាសដ្រូនកសិកម្មកម្ពុជា។ លេីសពីនេះ ក៏មានការប្រកួតប្រជែងរបស់និស្សិតដេីម្បីជ្រេីសរេីសនិស្សិតឆ្នេីមលេីការប្រេីប្រស់បច្ចេកវិទ្យាកសិកម្មសម្រាប់អាជីវកម្ម ដែលមកពីបណ្ដាសាកលវិទ្យាល័យជាតិ និងអន្តរជាតិផងដែរ។ ជាលទ្ធផលនិស្សិតខ្មែរចំនួន ៦ រូប និងនិស្សិតឡាវចំនួន ៤ រូប ព្រមទាំងគ្រូដឹកនាំនិស្សិតចំនួន ៥ រូបត្រូវបានជ្រេីសរេីសឲ្យទៅប្រកួតវគ្គផ្តាច់ព្រាត់នៅប្រទេសក្រូអាតក្នុងខែធ្នូ ឆ្នាំ២០២៣ ខាងមុខនេះផងដែរ។
