——————————-
សូមអបអរសាទរនិសិ្សតជំនាញអក្សរសាស្រ្តកូរ៉េ នៃដេប៉ាតឺម៉ង់ភាសាកូរ៉េរបស់វិទ្យាស្ថានភាសាបរទេសចំនួន២រូបគឺ កញ្ញា យឿន ចន្ធូ និងលោក សួន សុខាត់ ដែលទទួលបានចំណាត់ថ្នាក់លេខ១ និងលេខ២ នៅក្នុងកម្មវិធីប្រកួតប្រជែងថ្លែងសុន្ទរកថាជាភាសាកូរ៉េ CKCC លើកទី៣ ដែលបានប្រព្រឹត្តទៅកាលពីថ្ងៃទី៩ ខែតុលា ឆ្នាំ២០២៣ នៅមជ្ឈមណ្ឌលសហប្រតិបត្តិការកម្ពុជា-កូរ៉េ នៃសាកលវិទ្យាល័យភូមិន្ទភ្នំពេញ។
សូមបញ្ជាក់ផងដែរថា ដេប៉ាតឺម៉ង់ភាសាកូរ៉េទទួលបានការឧបត្ថម្ភគាំទ្រពីសំណាក់ទីភ្នាក់ងារសហប្រតិបត្តិការអន្តរជាតិកូរ៉េ(កយកា-KOICA)លើផ្នែកសម្ភារៈ បច្ចេកទេសនិង ធនធានគ្រូបង្រៀន។
ក្រោមការដឹកនាំចង្អុលបង្ហាញយ៉ាងយកចិត្តទុកដាក់ពីសំណាក់ ឯកឧត្តម សាកលវិទ្យាធិការ វិទ្យាស្ថានភាសាបរទេសតែងតែផ្តោតជាសំខាន់ និងអោយតម្លៃខ្ពស់លើគុណភាពនៃការបណ្តុះបណ្តាល។ ជាលទ្ធផលនិស្សិតដែលបានបញ្ចប់ការសិក្សាមានឱកាសទទួលបានអាហារូបករណ៍ទៅសិក្សានៅក្រៅប្រទេស ទទួលបានជ័យលាភីក្នុងការចូលរួមកម្មវិធីផ្សេងៗទាំងក្នុងនិងក្រៅប្រទេស ព្រមទាំងទទួលបានឱកាសការងារជាមន្ត្រីរាជការនៅតាមស្ថាប័នរដ្ឋនានា ព្រមទាំងបុគ្គលិកនៅតាមស្ថាប័នឯកជនជាច្រើនទៀត។
