នៅព្រឹកថ្ងៃទី១៨ ខែសីហា ឆ្នាំ២០២៣នេះ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង បានជួបប្រជុំពិភាក្សាការងារជាមួយតំណាងក្រុមហ៊ុន សុីភី កម្ពុជា (C.P Cambodia) លើកិច្ចសហប្រតិបត្តិការក្នុងវិស័យអប់រំ បណ្តុះបណ្តាល ទស្សនកិច្ចសិក្សា ឱកាសហាត់ការ និងឱកាសការងារនៅក្នុងក្រុមហ៊ុន សុីភី កម្ពុជា។ នៅក្នុងនោះផងដែរ សាកលវិទ្យាល័យនឹងរៀបចំចុះអនុស្សារណៈយោគយល់ជាមួយក្រុមហ៊ុន សុីភី កម្ពុជា ដើម្បីជំរុញកិច្ចសហប្រតិបត្តិការខាងលើឱ្យកាន់តែទូលំទូលាយបន្ថែមទៀត។
