នៅថ្ងៃទី១៦ ខែមិថុនា ឆ្នាំ២០២៣នេះ លោក ទេព នាវា សាកលវិទ្យាធិការរង តំណាងដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង បានជួបប្រជុំជាមួយអគ្គនាយកក្រុមហ៊ុនបារាំងចំនួន១៩នាក់ ដែលដឹកនាំប្រតិភូដោយលោក Ly-Batallan Emmanuel ទីប្រឹក្សាសេដ្ឋកិច្ចនៃស្ថានទូតបារាំប្រចាំនៅកម្ពុជា និងជាតំណាងដ៏ខ្ពង់ខ្ពស់របស់ឯកឧត្តមអគ្គរាជទូតបារាំងប្រចាំនៅកម្ពុជា។ កិច្ចប្រជុំនេះមានគោលបំណងបង្ហាញអំពីតម្រូវការធនធានមនុស្សរបស់ក្រុមហ៊ុននីមួយៗ និងការអប់រំនៅសាកលវិទ្យាល័យជាតិបាត់ដំបងជំនាញនានាដែលប្រើប្រាស់ភាសាបារាំង និងជាពិសេសគឺការបង្ហាញអំពីមជ្ឈមណ្ឌលការងារបារាំងទៀតផង។
