នៅព្រឹកថ្ងៃសុក្រ ៦រោច ខែជេស្ឋ ឆ្នាំថោះ ព.ស.២៥៦៧ ត្រូវនឹងថ្ងៃទី៩ ខែមិថុនា ឆ្នាំ២០២៣ សាលាក្រោយបរិញ្ញាបត្រនៃសាកលវិទ្យាល័យជាតិបាត់ដំបងបានរៀបចំសិក្ខាសាលាស្ដីពីការកែលម្អកម្មវិធីអប់រំថ្នាក់បរិញ្ញាបត្រជាន់ខ្ពស់ ជំនាញបង្រៀនភាសាអង់គ្លេស (MTESOL) ដឹកនាំដោយលោក ទេព នាវា សាកលវិទ្យាធិការរងនៃសាកលវិទ្យាល័យជាតិបាត់ដំបង។ សិក្ខាសាលានេះរៀបចំឡើងក្នុងគោលបំណងប្រមូលធាតុចូលពីភាគីពាក់ព័ន្ធ ដើម្បីកែលម្អលើកម្មវិធីអប់រំថ្នាក់បរិញ្ញាបត្រជាន់ខ្ពស់ ជំនាញបង្រៀនភាសាអង់គ្លេស ដោយពិនិត្យលើលទ្ធផលរំពឹងទុកនៃគោលបំណងកម្មវិធីអប់រំ (PILOs) និងបញ្ជីមុខវិជ្ជាសិក្សា ស្របតាមតម្រូវការទីផ្សារការងារក្នុងបរិការណ៍នៃយុគសម័យបដិវត្តន៍ឧស្សាហកម្មទី៤។
