————————————
នៅថ្ងៃអង្គារ ១រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៧ ខែមីនា ឆ្នាំ២០២៣ មហាវិទ្យាល័យសិល្បៈ មនុស្សសាស្ត្រ និងអប់រំនៃសាកលវិទ្យាល័យជាតិបាត់ដំបងបានរៀបចំពិធីសំណេះសំណាលនិងជូនLearning Agreement ដល់និស្សិតថៃចំនួន៣រូប ដែលបានបញ្ចប់ការសិក្សាតាមរយ:ការផ្លាស់ប្ដូរការសិក្សានៅសាកលវិទ្យាល័យជាតិបាត់ដំបង លើជំនាញអក្សរសាស្ដ្រខ្មែរ រយៈពេល១ឆមាស ក្រោមអធិបតីភាពលោក ទេព នាវា សាកលវិទ្យាធិការរង តំណាងដ៏ខ្ពង់ខ្ពស់របស់ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង បានកោតសរសើរនិងវាយតម្លៃខ្ពស់ចំពោះកម្មវិធីនៃការផ្លាស់ប្តូរការសិក្សានេះ ពិតជាមានសារសំខាន់ដូចជា៖
១)ការផ្លាស់ប្តូរបទពិសោធនៃការរៀនតាមកម្មវិធីសិក្សារវាងសាកលវិទ្យាល័យទាំងពីរ
២)ពង្រឹងសមត្ថភាពបន្ថែមក្នុងការប្រើប្រាស់ភាសាខ្មែរជាក់ស្តែង
៣)បានរៀនសូត្រពីវប្បធម៌និងការរស់នៅ
៤)មានទំនាក់ទំនងល្អសម្រាប់បន្តទៅថ្ងៃអនាគត(តាមរយៈកម្មវិធីផ្លាស់ប្តូរការសិក្សា)។
