នៅព្រឹកថ្ងៃអង្គារ ២រោច ខែពិសាខ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៧ ខែឧសភា ឆ្នាំ២០២២៖ ឯកឧត្តម សុខ ឃន សាកលវិទ្យាធិការ នៃសាកលវិទ្យាល័យជាតិបាត់ដំបង បានទទួលការស្វាគមន៍ និងសំណេះសំណាលជាមួយប្រតិភូដឹកនាំដោយ បណ្ឌិត David Ader មកពីសាកលវិទ្យាល័យធេនេស៊ី (University of Tennessee) សហរដ្ឋអាមេរិក ក្នុងបេសកកម្មស្វែងយល់ពីការជម្រុញយុវជនក្នុងវិស័យកសិកម្មនៅប្រទេសកម្ពុជា។ ក្រុមប្រតិភូបានចែករំលែកបទពិសោធន៍នៃការផ្សព្វផ្សាយកសិកម្មនៅសហរដ្ឋអាមេរិចជូនដល់លោកគ្រូ អ្នកគ្រូ បុគ្គលិក អ្នកស្រាវជ្រាវ និងនិសិ្សតមហាវិទ្យាល័យកសិកម្ម និងកែច្នៃអាហារផងដែរ។
