——————————
នៅព្រឹកថ្ងៃសុក្រ ១៣រោច ខែចេត្រ ឆ្នាំខាល ចត្វាស័ក ពុទ្ធសករាជ ២៥៦៥ ត្រូវនឹងថ្ងៃទី២៩ ខែមេសា ឆ្នាំ២០២២នេះ សាកលវិទ្យាល័យជាតិបាត់ដំបង បានចុះអនុស្សរណៈនៃការយោគយល់ជាមួយ អង្គការបោសសម្អាតមីន និងអភិវឌ្ឍន៍សហគមន៍អន្តរជាតិ (International mine clearance and community development) ក្នុងគោលបំណងពង្រីកកិច្ចសហប្រតិបត្តិការលើវិស័យសិក្សាអប់រំ បណ្តុះបណ្តាល និងស្រាវជ្រាវ សម្រាប់ផ្នែកកសិកម្ម និងកែច្នៃអាហារ។ អនុស្សរណៈនៃការយោគយល់នេះត្រូវបានធ្វើឡើងក្រោមអធិបតីភាពដ៏ខ្ពង់ខ្ពស់ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង និងលោក TAKAYAMA RYOJI នាយកអង្គការបោសសម្អាតមីន និងអភិវឌ្ឍន៍សហគមន៍អន្តរជាតិ (International mine clearance and community development)។
