សាកលវិទ្យាល័យជាតិបាត់ដំបង ក្រោមកិច្ចសម្របសម្រួលដោយវិទ្យាស្ថានភាសាបរទេសនៃសាកលវិទ្យាល័យជាតិបាត់ដំបងបានសហការជាមួយមូលនិធិខុនរាដអាឌិនណៅអ៊ែរប្រចាំកម្ពុជា (Konrad Adenauer Stiftung-KAS) នៃប្រទេសអាឡឺម៉ង់ និងដេប៉ាតឺម៉ង់សិក្សាអន្តរជាតិ(DIS)នៃសាកលវិទ្យាល័យភូមិន្ទភ្នំពេញ រៀបចំសិក្ខាសាលាស្តីពីការចែករំលែកចំណេះដឹង និងបទពិសោធន៍លើផ្នែកទំនាក់ទំនងអន្តរជាតិ និងការអភិវឌ្ឍសមត្ថភាពគ្រូបង្រៀនចាប់ពីថ្ងៃទី២៩ ខែវិច្ឆិកា ដល់ថ្ងៃទី៤ ខែធ្នូ ឆ្នាំ២០២១ សិក្ខាសាលានេះមានសមាសភាពចូលរួមដូចខាងក្រោម៖
១. វាគ្មិនមកពីមូលនិធិខុនរាដអាឌិនណៅអ៊ែរប្រចាំកម្ពុជា (Konrad Adenauer Stiftung-KAS) នៃប្រទេសអាឡឺម៉ង់ចំនួន ០៤រូប
២. គ្រូបណ្តុះបណ្តាលមកពីដេប៉ាតឺម៉ង់សិក្សាអន្តរជាតិ(DIS)នៃសាកលវិទ្យាល័យភូមិន្ទភ្នំពេញចំនួន ០៤រូប
៣. គ្រូបង្រៀនក្នុងជំនាញទំនាក់ទំនងអន្តរជាតិនៃវិទ្យាស្ថានភាសាបរទេសនៃសាកលវិទ្យាល័យជាតិបាត់ដំបង ចំនួន ១៣រូប
៤. និស្សិតនៃសាកលវិទ្យាល័យជាតិបាត់ដំបង ចំនួន៣០នាក់។
