នៅរសៀលថ្ងៃពុធ ៤រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៨ ខែកក្កដា ឆ្នាំ២០២១នេះ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិដំបង បានដឹកនាំកិច្ចប្រជុំអនឡាញ (Microsoft Teams) ស្ដីពីលទ្ធផលការងារប្រចាំខែកក្កដារបស់គម្រោងកែលម្អការអប់រំឧត្តមសិក្សា (HEIP) ដើម្បីពិនិត្យតាមដានពីវឌ្ឍនភាព និងប្រសិទ្ធភាពការងារតាមផ្នែកនីមួយៗនៃគម្រោងទាំងមូល ការដោះស្រាយនូវបញ្ហាប្រឈមនានាក្នុងពេលអនុវត្តគម្រោង និងលើកទិសដៅផែនការការងារបន្តសម្រាប់ខែបន្ទាប់។
